بیجنگ(ویب ڈیسک) چین میں ٹریفک کنٹرول کرنے کیلئے روبوٹس کا استعمال شروع کردیا گیا۔ چینی میڈیا کے مطابق چین کے مشرقی صوبے ژی جیانگ کے شہر ہانگژو (Hangzhou) میں سیاحوں کی مدد اور ٹریفک کنٹرول کے لیے اسمارٹ ٹریفک روبوٹ تعینات کیے گئے ہیں۔جدید ٹیکنالوجی سے لیس روبوٹ ٹریفک قوانین پر عمل درآمد یقینی بناتا، گاڑیوں کو ہارن بجانے سے روکتا اور امتحان دینے والے طلبہ کے لیے نیک تمناؤں کا اظہار بھی کرتا ہے ۔یہ روبوٹ اہلکار ٹریفک کنٹرول کرنے اور ٹریفک قوانین کی خلاف ورزیوں کی نشاندہی کرنے کے لیے مقامی ٹریفک کے نظام کے ساتھ مربوط ہیں۔ رپورٹ کے مطابق یہ روبوٹ اہلکار سائیکل سواروں کے اسٹاپ لائن عبور کرنے اورہیلمٹ نہ استعمال کرنے جیسی خلاف ورزیوں کی نشاندہی کرتے ہیں۔
Disclaimer
خبریں مستند ذرائع سے لی جاتی ہیں، غلطی کی صورت میں ادارہ ذمہ دار نہیں ہوگانیزخبر کے مندرجات سےادارے کا متفق ہونا ضروری نہیں ۔اے آئی یا انٹرٹینمنٹ مواد صرف تفریح کے لیے ہے
چین میں ٹریفک کنٹرول کرنے کیلئے روبوٹس اہلکار تعینات
