کراچی(ویب ڈیسک ) شہر میں شدید گرمی کا سلسلہ برقرار ہے اور آج بھی پارہ 38 ڈگری تک جانے کا امکان ہے۔ محکمہ موسمیات کے مطابق منگل کو کراچی کا زیادہ سے زیادہ درجہ حرارت 39.1 ڈگری سینٹی گریڈ ریکارڈ کیا گیا جب کہ آج بھی موسم گرم اور مرطوب رہنے کا امکان ہے اور پارہ 38 ڈگری سینٹی گریڈ تک پہنچ سکتا ہے۔محکمہ موسمیات کے مطابق 21 ستمبر کو کراچی میں زیادہ سے زیادہ درجہ حرارت 40.7 ڈگری سینٹی گریڈ ریکارڈ کیا گیا جو ستمبر 2017 کے بعد اس مہینے کا گرم ترین دن تھا۔ محکمہ موسمیات کا کہنا ہے کہ ملک میں مون سون کا اختتام معمول سے پہلے ہوا ہے، پاکستان میں عام طور پر مون سون 30 ستمبر تک جاری رہتا ہے تاہم اس بار اس کے جلد اختتام کے باعث کراچی میں اکتوبر جیسی گرمی کا سامنا ہے۔محکمہ موسمیات کے مطابق کہ ایل نینو کے باعث اکتوبر کا موسم بھی معمول سے زیادہ گرم رہ سکتا ہے۔
Disclaimer
خبریں مستند ذرائع سے لی جاتی ہیں، غلطی کی صورت میں ادارہ ذمہ دار نہیں ہوگانیزخبر کے مندرجات سےادارے کا متفق ہونا ضروری نہیں ۔اے آئی یا انٹرٹینمنٹ مواد صرف تفریح کے لیے ہے
