کراچی (ویب ڈیسک )محکمہ موسمیات نے پیر کے روز سے کراچی میں اضافے کی پیشگوئی کی ہے۔ محکمہ موسمیات کے مطابق شہر میں اس وقت مطلع جزوی طور پر ابر آلود ہے اور جنوب مغرب سے 10 سے 20 کلو میٹر فی گھنٹہ رفتار سے ہوائیں چل رہی ہیں۔محکمہ موسمیات نے پیشگوئی کی ہے کہ شہر میں پیر سے گرمی بڑھنے کا امکان ہے جس کے سبب درجہ حرارت میں اضافہ متوقع ہے۔محکمہ موسمیات نے کہا کہ ہوا کے زائد دباؤ سے شہر میں سمندری ہواؤں کی رفتار متاثر ہونے کا خدشہ ہے، پیر سے زیادہ سے زیادہ درجہ حرارت 36 سے 38 ڈگری سینٹی گریڈ تک رہ سکتا ہے جب کہ آئندہ 2 سے 3 روز کے دوران مطلع جزوی ابر آلود رہے گا، چند دنوں میں درجہ حرارت اکتوبر کے معمول کے مطابق رہنے کی توقع کی جارہی ہے۔محکمہ موسمیات کے مطابق 12اکتوبر سے نیا مغربی سلسلہ ملک کے بالائی اور شمالی علاقوں پر اثر انداز ہوگا جس کے زیراثر بلوچستان کے مختلف علاقوں میں بارش ہوسکتی ہے۔
Disclaimer
خبریں مستند ذرائع سے لی جاتی ہیں، غلطی کی صورت میں ادارہ ذمہ دار نہیں ہوگانیزخبر کے مندرجات سےادارے کا متفق ہونا ضروری نہیں ۔اے آئی یا انٹرٹینمنٹ مواد صرف تفریح کے لیے ہے
