کراچی:ٹھیکے داروں کو ساڑھے 8 ارب روپےکی پیشگی ادائیگی کے الزام میں بی آر ٹی یلو لائن کراچی کے سابق پروجیکٹ ڈائریکٹر ضمیر عباسی کو لاہور سے گرفتار کرلیا گیا۔
چیئرمین اینٹی کرپشن سندھ کے مطابق ضمیر عباسی پر مقدمہ کراچی میں چلےگا۔
اینٹی کرپشن نے خفیہ اطلاع پر ڈی ایچ اے لاہور میں کارروائی کی، سابق پروجیکٹ ڈائریکٹر ضمیر عباسی کو لاہور سے گرفتار کرنے کے بعد کراچی منتقل کردیا گیا۔
ضمیر عباسی کے خلاف 10 جون کو مقدمہ درج کیا گیا تھا، انہیں یلو لائن منصوبے میں 8 ارب روپے سے زائد مالی بے قاعدگی کے اینٹی کرپشن مقدمے میں گرفتار کیا گیا ہے۔
محکمہ ٹرانسپورٹ کے یلو لائن منصوبے میں وزیراعلیٰ انسپکشن ٹیم کی انکوائری رپورٹ پر مالی بے قاعدگی سامنے آئی تھی جس میں یلو لائن منصوبے کے ٹھیکیداروں کو مالی قواعد کے خلاف ساڑھے 8 ارب روپے کی ایڈوانس ادائیگی کی گئی۔
Disclaimer
خبریں مستند ذرائع سے لی جاتی ہیں، غلطی کی صورت میں ادارہ ذمہ دار نہیں ہوگانیزخبر کے مندرجات سےادارے کا متفق ہونا ضروری نہیں ۔اے آئی یا انٹرٹینمنٹ مواد صرف تفریح کے لیے ہے
