پشاور(ویب ڈیسک )سکیورٹی فورسز نےکوہاٹ پولیس لائنز مسجد دھماکے میں ملوث تمام خوارج کو ہلاک کردیا۔سکیورٹی ذرائع کے مطابق فجرکے بعد پاک فوج نے کارروائی کی جس دوران پولیس لائنز میں چھپے آخری 2 خودکش بمباروں کو بھی ہلاک کردیا گیا۔سکیورٹی ذرائع کا کہنا ہےکہ سکیورٹی فورسز نے پولیس لائنز میں آپریشن مکمل کرلیا جس میں مجموعی طور پر 7 خوارج مارے گئے۔سکیورٹی ذرائع کے مطابق آپریشن کی براہ راست نگرانی جنرل آفیسر کمانڈنگ کوہاٹ نےکی جب کہ پاک فوج کے کمانڈوز، جوانوں اوربم ڈسپوزل اسکواڈ نے علاقے کو کلیئر کرکے پولیس کے حوالے کردیا۔دوسری جانب دھماکے میں زخمی ایک پولیس اہلکار دم توڑ گیا جس کے بعد شہادتوں کی تعداد 22 ہوگئی۔
Disclaimer
خبریں مستند ذرائع سے لی جاتی ہیں، غلطی کی صورت میں ادارہ ذمہ دار نہیں ہوگانیزخبر کے مندرجات سےادارے کا متفق ہونا ضروری نہیں ۔اے آئی یا انٹرٹینمنٹ مواد صرف تفریح کے لیے ہے
