اسلام آباد(ویب ڈیسک)پارلیمنٹ کے مشترکہ اجلاس میں خیبر پختونخوا میں ایمرجنسی اور گورنر راج کے صدارتی فرمان کو کثرت رائے سے منظور کرلیا۔اسپیکر قومی اسمبلی کی زیر صدارت ہونے والے اجلاس میں وفاقی وزیر برائے پارلیمانی امور کی پیش کی گئی تحریک کے حق میں 214 ووٹ آئے اور مخالفت میں 56 ووٹ پڑے۔تحریک کثرت رائے سے منظور کی گئی جبکہ اپوزیشن کی جانب سے اجلاس کے دوران احتجاج کیا گیا۔پارلیمنٹ کے مشترکہ اجلاس کے دوران خیبر پختونخوا میں ایمرجنسی اور گورنر راج کے نفاذ کی تحریک پر ووٹنگ کے دوران اپوزیشن کی جانب سے احتجاج کیا گیا۔اپوزیشن کے احتجاج میں اسپیکر قومی اسمبلی ایاز صادق نے گنتی کرانے کا حکم دے دیا جبکہ بیرسٹر گوہر نے کہا کہ ایوان میں آئین کی پاسداری اور بغیرخوف و دباؤ ذمہ داریاں نبھانا ہمارا فرض ہے۔خیبر پختونخوا میں گورنر راج کی توثیق کیلئے پارلیمنٹ کا مشترکہ اجلاس شروع ہو گیا، اسپیکر قومی اسمبی سردار ایاز صادق پارلیمنٹ کے مشترکہ سیشن کی صدارت کر رہے ہیں۔مشترکہ اجلاس میں سب سے پہلے پشاور میں اسکول کی چھت گرنے کے واقعے میں بچوں کےجاں بحق ہونےکے واقعے پر افسوس کا اظہار کرتے ہوئے جاں بحق بچوں کے لیے دعائے مغفرت و فاتحہ خوانی کی گئی۔بعد ازاں خیبر پختونخوا میں ایمرجنسی اور گورنر راج کے نفاذ کاصدارتی فرمان پارلیمنٹ میں پیش کیا گیا، دونوں فرمان وفاقی وزیربرائے پارلیمانی امور طارق فضل چوہدری نے پیش کیے۔
Disclaimer
خبریں مستند ذرائع سے لی جاتی ہیں، غلطی کی صورت میں ادارہ ذمہ دار نہیں ہوگانیزخبر کے مندرجات سےادارے کا متفق ہونا ضروری نہیں ۔اے آئی یا انٹرٹینمنٹ مواد صرف تفریح کے لیے ہے
