تل ابیب (ویب ڈیسک ) اسرائیل میں آج عام انتخابات ہوں گے، وزیراعظم نیتن یاہو الیکشن سے پہلے ایران پر حملہ کروانے میں ناکام ہوگئے۔امریکی صدر ڈونلڈ ٹرمپ اور خود اسرائیلی آرمی چیف ایال ضمیر نے الیکشن سے پہلے حملوں سے انکار کردیا۔نیتن یاہو نے نئے حملوں کے لیے پچھلے پورے ہفتے امریکا میں لابنگ کی تھی، امریکی حکام نے یہ کہہ کر نیتن یاہو کی بات ٹال دی کہ ایران کیخلاف مشترکا آپریشن بہت جلد کریں گے۔
ذرائع کے مطابق امریکا نے یہ فیصلہ کرتے ہوئے اسرائیلی آرمی چیف کے وہ خدشات سامنے رکھےکہ ایران پر نیا حملہ اسرائیلی انتخابات ملتوی کروا سکتا ہے۔
اسرائیل نے امریکی انکار کو بادل نخواستہ قبول کیا کیوں کہ اسرائیل کو خدشہ ہے کہ اگر یمن میں متحرک ایرانی حمایت یافتہ حوثیوں نے اپنے میزائلوں کا رخ اسرائیل کی طرف موڑ دیا تو اسے لامحالہ اپنے دفاع کے لیے امریکا کی ضرورت پڑے گی۔
اسرائیل میں عام انتخابات آج
اسرائیلی عام انتخابات کیلئے پولنگ مقامی وقت کے مطابق صبح 7 بجے سے شروع ہوگی اور رات 10 بجے تک جاری رہے گی، اسرائیلی پارلیمنٹ کی 120 نشستوں پر حکومت بنانے کے لیے کم از کم 61 نشستوں کی اکثریت درکار ہوگی۔
رائے عامہ کے جائزوں کے مطابق اسرائیلی وزیر اعظم نیتن یاہو اور اپوزیشن اتحاد میں کانٹے کا مقابلہ متوقع ہے۔ اپوزیشن میں سابق فوجی سربراہ گادی آئزنکوٹGadi Eisenkot اور سابق وزیر اعظم نفتالی بینیٹ Naftali Bennett نمایاں شخصیات ہیں۔
7 اکتوبر 2023 کے حملوں اور خطے میں جاری کشیدگی کے بعد ہونے والے انتخابات کو انتہائی اہم قرار دیا جا رہا ہے۔
نیتن یاہو کو اپنی سیاسی بقا اور اقتدار برقرار رکھنے کے لیے سخت ترین چیلنجز اور مشکلات کا سامنا ہے، میڈیا رپورٹس کے مطابق طویل جنگ اور اندرونی مسائل نے ان کی پوزیشن کو کمزور کر دیا ہے۔
Disclaimer
خبریں مستند ذرائع سے لی جاتی ہیں، غلطی کی صورت میں ادارہ ذمہ دار نہیں ہوگانیزخبر کے مندرجات سےادارے کا متفق ہونا ضروری نہیں ۔اے آئی یا انٹرٹینمنٹ مواد صرف تفریح کے لیے ہے
