لندن (ویب ڈیسک )پاکستان کرکٹ بورڈ میں تبدیلیوں کا سفر رکنے کا نام نہیں لے رہا، ٹیسٹ ٹیم کے کپتان کے بعد ٹیسٹ ٹیم کے کوچ تبدیل ہونے کا امکان ظاہر کیا جا رہا ہے۔اطلاعات کے مطابق وائٹ بال ٹیم کے ہیڈ کوچ مائیک ہیسن جو ابتدائی طور پر شہزاد چارلس کے عشائیے کے لیے ڈائریکٹر ہائی پرفارمنس عاقب جاوید کے ساتھ لندن پہنچے ہیں ،لارڈز ٹیسٹ میں قومی ٹیم کی 194 رنز کی شکست کے بعد اب انہیں ٹیسٹ ٹیم کے معاملات بھی سپرد کرنے کی خبریں ہیں۔ابتدائی اطلاعات کے مطابق پی سی بی نے مائیک ہیسن سے نہ صرف ٹیسٹ ٹیم کے معاملات دیکھنے کو کہا ہے، بلکہ اب وہ برمنگھم کے ایجبیسٹن کرکٹ گراؤنڈ پر 9 ستمبر سے شروع ہونے والے تیسرے اور آخری ٹیسٹ کی ٹیم کے ساتھ نہ صرف مصروف ہوں گے، بلکہ ڈریسنگ روم میں بھی موجود ہوں گے۔اس کے نتیجے میں ریڈ بال ٹیم کے ہیڈ کوچ سرفراز احمد کی مستقبل میں کوچنگ کو شدید خطرات کا سامنا ہے۔قوی امکان ہے کہ ون ڈے اور ٹی ٹوئنٹی کے بعد مائیک ہیسن ٹیسٹ ٹیم کی کوچنگ کی ذمہ داریاں بھی سنبھالنے لگے ہیں اور سرفراز احمد کو انگلینڈ کے دورے کے بعد ٹیسٹ ٹیم کی کوچنگ سے ہٹا دیا جائے گا۔
Disclaimer
خبریں مستند ذرائع سے لی جاتی ہیں، غلطی کی صورت میں ادارہ ذمہ دار نہیں ہوگانیزخبر کے مندرجات سےادارے کا
متفق ہونا ضروری نہیں ۔اے آئی یا انٹرٹینمنٹ مواد صرف تفریح کے لیے ہے
