پشاور(ویب ڈیسک)خیبرپختونخوا پولیس کا کہنا ہے کہ صوبے میں ایمرجنسی اور گورنر راج کا نفاذ کے بعد پی ٹی آئی کے8 اہم رہنما پولیس کی حفاظتی تحویل میں ہیں پولیس حکام کے مطابق وزیراعلیٰ سہیل آفریدی، اسپیکرکےپی اسمبلی بابرسلیم سواتی، پی ٹی آئی کےصوبائی صدر جنید اکبر اور دیگر بھی حراست میں ہیں۔ خیبرپختونخوا میں ایمرجنسی اور گورنر راج کے نفاذ کے بعد سکیورٹی خدشات کے پیش نظر ضلع صوابی میں پولیس نے مختلف مقامات پر کارروائیاں کرتے ہوئے پاکستان تحریک انصاف کے 56 کارکنوں کو گرفتار کرلیا۔پولیس حکام کے مطابق پی ٹی آئی کارکن اسماعیلہ انٹرچینج اور رزڑ اسپورٹس کمپلیکس میں جمع ہوئے تھے،جہاں کارروائی کے دوران انہیں حراست میں لیا گیا،پولیس نے شیوہ اڈہ اور گردونواح سمیت مختلف مقامات پر بھی چھاپے مارے۔واضح رہے کہ سابق وزیراعلیٰ خیبرپختونخوا سہیل آفریدی کی قیادت میں پی ٹی آئی لانگ مارچ کے قافلے کو آج رات کو صوابی پہنچنا تھا۔لانگ مارچ سے نمٹنے کےلیے ضلع بھر میں سکیورٹی انتظامات سخت کردیے گئے تھے۔ضلع بھر میں موبائل فون نیٹ ورکس اور انٹرنیٹ سروس کی بندش سے شہریوں کو معمول کے مواصلاتی رابطوں میں مشکلات کا سامنا کرنا پڑ رہا ہے۔
Disclaimer
خبریں مستند ذرائع سے لی جاتی ہیں، غلطی کی صورت میں ادارہ ذمہ دار نہیں ہوگانیزخبر کے مندرجات سےادارے کا متفق ہونا ضروری نہیں ۔اے آئی یا انٹرٹینمنٹ مواد صرف تفریح کے لیے ہے
