عابد رشید نے شکاگو میں عالمی مشاعرہ کی بنیاد رکھ دی
گزشتہ دنوں امریکا کے شہر شکاگو میں اردو کی ادبی تنظیم ” سخنور شکاگو” کے زیر اہتمام “بیادِ فیض احمد فیض” گولڈن جوبلی عالمی مشاعرہ کا انعقاد کیا گیا۔مشاعرے کی صدارت شکاگو کے سینیئر و ممتاز شاعر ڈاکٹر توفیق انصاری احمد نے فرمائی۔ شکاگو میں پاکستان کے نئے قونصل جنرل زمان مہدی اس تقریب کے مہمانِ خصوصی تھے۔ پاکستان سے دور حاضر کے ممتاز شاعر عباس تابش اور ہیوسٹن سے معروف شاعر غضنفر ہاشمی نے خصوصی شرکت فرمائی۔اس مشاعرے میں ناہید ورک کے شعری مجموعہ “کوئی نہیں دوست” اور طاہرہ ردا کے شعری مجموعہ “تیرے نام کے سارے شعر” کی تقریبِ پزیرائی کا اہتمام بھی کیا گیا۔ جہاں عباس تابش اور غضنفر ہاشمی نے کتابوں پر اپنی قیمتی گفتگو بھی کی۔شکاگو، امریکہ میں سخنور شکاگو اور عابد رشید کی اردو ادب کے فروغ کے لئے کی جانے والی کاوشیں قابلِ تحسین ہیں۔ ہر سال کی طرح اس سال سخنور شکاگو کے پچاسویں عالمی مشاعرہ کا بروز ہفتہ، 22 نومبر کو شام 6 بجے ، فاؤنٹین ویو ریکری ایشن سنٹر، کیرل سٹریم میں انعقاد کیا گیا۔جس میں پاکستان کے ممتاز شاعر عباس تابش اور ہیوسٹن سے ممتاز ادیب اور شاعر غضنفر ہاشمی نے اس مشاعرے میں خصوصی شرکت فرمائی۔ پاکستان سے راشد حسین خان، انڈیا سے خواجہ فریدالدین صادق اور امریکہ کی مختلف ریاستؤں سے نامور شعرائے کرام نے اس مشاعرے میں شرکت کی۔ مشاعرے میں کلام پیش کرنے والے شعرا میں شامل
راشد حسین خان (پاکستان)، ڈاکٹر خواجہ فریدالدین صادق (انڈیا) ناہید ورک (مشی گن) ڈاکٹر فرحت شیریں(سینٹ لوئیس)، شمسہ نجم (کیلیفورنیا)، ڈاکٹر پاشا سعید، اشرف خان، عتیق حیدر، (اوہائیو)، ڈاکٹر سلیم تورانیہ (وسکونسن)، اور راکند کور (انڈیانا)۔
پروگرام کا آغاز ڈاکٹر افضال الرحمٰن کی تلاوت کلامِ پاک سے ہوا۔
شکاگو سے جن ممتاز شعرائے کرام نے اس مشاعرے میں شرکت فرمائی اْن کے نام درجِ ذیل ہیں
مشاعرے میں کلام پیش کرنے والے شکاگو کے مقامی شعرا میں ڈاکٹر منیرالزماں منیر، غلام مصطفٰے انجم، نذر نقوی، طاہرہ ردا، کشش ہوشیار پوری، ساجد چودھری، محبوب علی خان ، ڈاکٹر افضال الرحمٰن افسر، راشد رحیمی، راز رنگونی اور بدر اسلام۔ شامل تھے۔
ناہید ورک کے شعری مجموعہ “کوئی نہیں دوست” کی تقریبِ پزیراء کے موقع پر عباس تابش اور غلام مصطفٰے انجم نے تبصرہ کیا۔ اس کے علاوہ، طاہرہ ردا کے شعری مجموعہ “تیرے نام کے سارے شعر” کی تقریبِ پزیرائی کے موقع پر غضنفر ہاشمی اور ڈاکٹر توفیق انصاری احمد نے طاہرہ ردا کی شاعری پر اظہارِ خیال کیا۔ اس مشاعرے کی نظامت کنیکٹیکٹ سے شامل ہونے والی ممتاز نوجوان شاعرہ حمیرا گْل تشتنہ نے کی۔ اس مشاعریکے ناظمِ اعلٰی سخنور شکاگو اور حریمِ نعت کے روحِ رواں اور شکاگو کی ممتاز ادبی شخصیت عابد رشید (جو کسی تعارف کے محتاج نہیں) تھے۔ شکاگو میں پاکستان کے نئے قونصل جنرل زمان مہدی اس تقریب میزن بطورِ مہمانِ خصوصی شامل رہے۔ اور آخر میں تقریب سے اپنے خیالات کا اظہار کرتے ہوئے شکاگو کی ادبی تنظیموں کی انتھک کاوشوں کو سراہا۔ سخنور شکاگو کا گولڈن جوبلی مشاعرہ ایک بے حد کامیاب مشاعرہ رہا۔ اس مشاعرے میں گولڈن جوبلی کی تقریب کے حوالے سے کیک بھی کاٹا گیا۔ شکاگو اور اس کے مضافات سے ادب کے شائقین کی ایک بڑی تعداد میں مشاعرے میں موجود تھی۔ سخنور شکاگو کا مشاعرہ اپنی نوعیت اور روایات کے مطابق ایک انتہائی کامیاب مشاعرہ رہا۔ سخنور شکاگو اپنے خوبصورت، منظم اور باقاعدگی سے مشاعرے منعقد کرنے کی وجہ سے ادبی دنیا میں ایک بلند معیار کی علامت مانا جاتا ہے۔ بائیس نومبر 2025 کو ہونے والا مشاعرہ بھی یقیناً ایک باوقار، معیاری اور کامیاب تقریب تھی۔ پروگرام کے دوران مہمانوں کے لیے ریفریشمنٹ کا اور لذیذ طعام کا اہتمام کیا گیا۔ مشاعرے میں شامل سامعین اس کامیاب مشاعرے سے بہت سی خوشگوار یادیں لے کر رخصت ہوئے۔ (نوٹ) اس مشاعرہ کی رکارڈنگ فیس بْک اور یوٹیوب پر دیکھی جاسکتی ہے۔ سوشل میڈیا پہ سخنور شکاگو کے پیج اور چینل پر پروگرام کی ریکارڈنگ دیکھی جا سکتی ہے۔
نیو یارک شہر، جسے “شہر جو کبھی نہیں سوتا” کہا جاتا ہے، سال کی آخری رات کو اپنے عروج پر ہوتا ہے۔ نیو ایئر کی رات نیو یارک میں صرف ایک تقریب نہیں بلکہ ایک عالمی ثقافتی واقعہ ہے جو لاکھوں افراد کو متحرک کر دیتا ہے۔ یہ وہ رات ہے جب ٹائمز اسکوائر کا...
ماریجوانا (گانجہ) امریکا میں ایک متنازعہ اور پیچیدہ موضوع رہا ہے جس کی تاریخ صدیوں پر محیط ہے۔ یہ پودا نہ صرف طبی، معاشی اور معاشرتی حلقوں میں زیر بحث رہا بلکہ قانونی نظام کی ترقی پر بھی گہرے اثرات مرتب کیے ہیں۔ ماریجوانا امریکا میں کولمبس سے پہلے کے زمانے سے موجود رہا ہے۔...
کرسمس کا تہوار درحقیقت ایک تاریخی اور ثقافتی ارتقائکا نتیجہ ہے جس کی جڑیں قبل از مسیح دور تک پھیلی ہوئی ہیں۔ 25 دسمبر کو حضرت عیسیٰ علیہ السلام کی پیدائش کے طور پر منایا جاتا ہے، لیکن تاریخی طور پر اس تاریخ کی تصدیق نہیں ہو سکی۔ مؤرخین کے مطابق، یہ تاریخ قدیم رومی...
امریکہ میں تھینکس گیونگ نہ صرف ایک قومی تعطیل ہے بلکہ اس ملک کی ثقافتی اور تہذیبی شناخت کا ایک اہم جزو بھی ہے۔ یہ تہوار نعمتوں کے شکرانے، خاندانی بندھن اور تاریخی ورثے پر غور کرنے کا دن ہے۔ تھینکس گیونگ کی تاریخ کا آغاز سترہویں صدی کے اوائل میں شمالی امریکہ میں پہلے...
